ԵՐԲԵՔ ՊԵՏՔ ՉԷ ՀԱՆՁՆՎԵԼ. ԼԻՆԻ ԴԱ ՓԻԱՐՈՒՄ ԹԵ ՊԱՆԻՐ ՓՆՏՐԵԼԻՍ

ԽՈՐՀՈՒՐԴԸ.  Անկախ այն բանից թե ինչ անակնկալ կմատուցի կյանքը, փորձեք դրանից օգուտ քաղել` Ձեր և Ձեզ համար թանկ մարդկանց համար...

ԼՈՒՍԱՆԿԱՐՆԵՐ, ՈՐՈՆՔ ԽՈՍՈՒՄ ԷԻՆ

Californication նվագողն ու երգողները

            Այսօր` նոյեմբերի 27-ին ժամը 12-ին Սիրահարների այգում «Հայաստանի Ֆոտոարվեստի Խորհուրդը» առաջին անգամ Հայաստանում կազմակերպել էր լուսանկարների «Ոչ ստանդարտ» ցուցադրություն: Մեր Կիկին որոշել էր արժանի և պրոֆեսիոնալ լուսանկարիչ Հայկ Սենեքերմյանի փիարով զբաղվել: Որոշել էր և արեց: Ապրի Կիկին, ապրի Հայկ Սենեքերիմյանը, ապրի Սիրահարներ այգու տնօրինությունը, մասնակիցները և նրանք, ովքեր պատկերված էին լուսանկարներում:

ԳՈՌԱՆ ԲՐԵԳՈՎԻՉԻ ՀԱՄԵՐԳԸ ԵՎ ՄԱՀԱՑԱԾ ՏԱՏԻԿԸ

SCI-ի Լյովը Գոռան Բրեգովիչի համերգի տոմս էր տվել: Ապրես Լյով ջան: Գնացինք, լավն էր:

ՀԵՏԵՎՈՒԹՅՈՒՆՆԵՐ.

- նախ գոռան-գոռան, բայց հեչ էլ գոռան չէր, նորմալ համեստ մարդ էր ու կարևորը տաղանդավոր,

- հետո շատ լավ նվագախումբ ուներ, բայց մեջներից մեկը` քաչալ գլխով ու ակնոցներով, դեմք էր. ինչ ուզում անում էր ու ամեն ինչ շատ լավ էր ստացվում,

- դահլիճի 64%-ը պարում էր, 14%-ը հեռախոսով նկարահանում էր, 9%-ը պրոֆեսիոնալ ու կիսապրոֆեսիոնալ ապարատներով լուսանկարահանում էին,  13%-ը նստած էին, իսկ մի տատիկ էլ կամ քնած էր կամ մեռած,

- տաքսիների վարորդներն արդեն գլխի են ընկել, որ Բրեգովիչի համերգից հետո շատ մարդ է համալիրից դուրս գալիս և ցրտի պատճառով տաքսի նստում: Դրա համար էլ հավաքվում են էդտեղ ու "պասաժիռի" հարցը լուծում,

- հայտնիները ևս սիրում են գնալ հայտնիների համերգներին` անգամ եթե խոսքը հայ և սերբ հայտնիների մասին է (այսօր իմ տեսած հայտնիներից էին Լուիզա Ներսիսյանը, Խորեն Լևոնյանը, Հրաչ Քեշիշյանը, Վազգեն Մանուկյանը),

P.S. Մի PR հնարք կիրառվեց. նախ ձևացրեցին թե իբր գնացին, հետո կուլիսների հետևից մի քիչ սպասեցին, որ ժողովուրդը երկար ծափ տա ու եկան ևս մի 20 րոպե համերգ տվեցին: Էֆեկտն ակնհայտ էր. կրքերն ավելի բորբոքվեցին:

P.S. Դուրս գալիս նայեցի անծանոթ տատիկին` նա դեռ մահացած էր . . .

ԹՈՒՐՔ ՊԱՇՏՈՆՅԱՅԻ ՍԵՎ PR` ՍԵՔՍ-ՍԿԱՆԴԱԼԻ ՄԻՋՈՑՈՎ

Թուրքական դատական համակարգը և YouTube-կրկին խնդիրներ ունեն: YouTube-ում կրկին հայտնվել է ամիսներ առաջ թաքնված տեսախցիկով նկարահանված Ժողովրդա-հանրապետական կուսակցության նախագահ Դենիզ Բայքալի և նույն կուսակցության անդամ, կին պատգամավոր Նեսրին Բայթոքի սեռական հարաբերությունների տեսագրությունը: Թուրքական դատարանը պահանջում է հանել տեսանյութը YouTub-ից կամ հակառակ դեպքում YouTub-ը էլ Թուրքիայի "էրեսը չի տենա":  Այս տեսանյութը նայող որոշ հայ պաշտոնյաներ հաստատ հետևություն կանեն. "Ճիշտ մոթել ընտրելը հեշտ բան չի, մածուն ու թան չի, ամեն մարդու բան չի":

ՄԵԾ ԲԱՆԵՐԸ, ՈՐՊԵՍ PR-Ի ՄԵԾ ԳՈՐԾԻՔ

 Վերջերս ավելի ու ավելի հաճախ եմ ականատես լինում մեծ առարկաների և երևույթների մասին զանզան պատմությունների: Նման պատմություններից սովորաբար անպակաս է լինում նաև Գինեսի ռեկորդների գիրքը: Իմ կողմից կարող եմ ավելացնել միայն, որ չափերով սովորականից մեծ ցանկացած բան կարող է գրավել միջազագային հանրության և ԶԼՄ-ների ուշադրությունը: Հետևությունն ակնհայտ է մեծ բաներով կարելի է մեծ PR նպատակների հասնել: Ներկայացնում եմ վերջերս ինձ պատահած մեծ բաների Թոփ 10-ը:

1. Լիբանանի մայրաքաղաք Բեյրութում ստեղծել են աշխարհի ամենամեծ գավաթը (գավաթն ունի 2,4 մ բարձրություն և 1,65 մ),

Եվպատորիական սեվ PR մեկ մեքենայի գնով

Երեկ` հոկտեմբերի 31-ին, ընտրությունների նախօրեին բացահայտվել է սև PR-ի իրականացման դեպք, որն ուղղված է եղել տեղական ինքնակառավարման մարմինների ղեկավարի թեկնածուներից մեկի դեմ: Վերջինս հանդիսանում է ուկրաինական «Ռեգիոնների կուսակցության» թեկնածուի հակառակորդը:

Այս մասին «Նոր ռեգիոնին» պատմել է «Հենարան» հասարակական կազմակերպության ներկայացուցիչ Յուրի Դովգանը, որն իրականացնում է ընտրությունների մոնիտորինգ:

«Գիշերը` ժամը 3-ին նկատվել են մարդիկ, ովքեր պատերին «Ռեգիոնների կուսակցության» հակառակորդ ուժերից մեկի թեկնածուին վարկաբեկող պաստառներ էին փակցնում: Երբ նրանց բռնելու փորձ արվեց, նրանք փախան տեղում թողնելով այն մեքենան, որով տեղափոխում էին մեծ թվով վարկաբեկող պաստառներ», – պատմում է նա:

PR ՄԱՍՆԱԳԵՏՆԵՐԸ ԿԶԲԱՂՎԵՆ ԲԵԼԱՌՈՒՍԻ PR-ՈՎ

Ինչ նկատի ունեի՞ր Պուշկին ջան

            Այս տարի` նոյեմբերի 26-ին Մինսկում առաջին անգամ կանցկացվի "Բելառուսի Հանրապետության իմիջը" խորագրով միջազգային ֆորում, որին կմասնակցեն Բելառուսական և արտասահմանյան լավագույն PR մասնագետները: PR ֆորումի կազմակերպիչները նշում են, որ ֆորումի նպատակն է Բելառուսի դրական իմիջի մշակումը ամենատարբեր ոլորտներում` տնտեսություն, մշակույթ, տուրիզմ և այլն:

ՏԱԹԵՎԻ ՃՈՊԱՆՈՒՂԻՆ ԲԱՑՎԵՑ. ԲԱ՞ PR



Տաթևը կարող է թև տալ մեր տուրիզմին



Հերթական կարևոր իրադարձությունը մեր երկրում. հոկտեմբերի 16-ին Սյունիքի մարզում բացվեց «Տաթևի թևեր» անունը կրող աշխարհի ամենաերկար և ամենաբարձր ճոպանուղին: Սկզբում կասկածներ ունեի թե իրոք մեր նորաբաց ճոպանուղին ամենաերկարն է աշխարհում: Սկսեցի փնտրել և ի ուրախություն ինձ պարզեցի, որ չափազանցություն չկա: Մինչ Տաթևի ճոպանուղին աշխարհի ամենաբարձր և երկար ճոպանուղին համարվում էր Վիետնամում գտնվող ճոպանուղին:

ԲԱՆԱԿԻ PR-Ը ԿԱՂՈՒՄ Է ԿԱՄ Ի՞ՆՉ ՊԵՏՔ Է ԱՆԵՆ ՊՆ PR-չիկները, ՈՐ ՉԵՆ ԱՆՈՒՄ



Բանակին պետք է պահել: Պահել, ոչ թե թաքցնել...



            Բռնություններ, խորշտանգումներ, սպանություններ, ինքնասպանություններ.

ահա այն հիմնական երևույթները, որոնք վերջին ամիսներին առավել շատ են ասոցացվում ՀՀ Զինված Ուժերի հետ: Այն, որ նման ցավալի երևույթներ մեր բանակում դեռ կան փաստ է և դրանց դեմ պայքարելու անհրաժեշտության մասին խոսելն անգամ ավելորդ է: Բայց սարսափելին միայն նմանօրինակ ողբերգությունները չեն, այլ նաև այն թե ինչ արձագանք են գտնում դրանք մեզանում:

ԸՆՏՐՈՒԹՅՈՒՆՆԵՐՈՒՄ ՀԱՋՈՂՈՒԹՅԱՆ ՀԱՍՆԵԼՈՒ ԺԱԿ ՍԵԳԱԼԱՅԻ 10 ՊԱՏՎԻՐԱՆՆԵՐԸ

"Թափանցիկ" ընտրություններ

1. Քվեարկում են մարդու և ոչ թե կուսակցության համար,

2. Քվեարկում են գաղափարի և ոչ թե գաղափարախոսության համար,

3. Քվեարկում են ապագայի և ոչ թե անցյալի համար,

4. Քվեարկում են սոցիալական կերպարի և ոչ թե քաղաքական կերպարի համար,

5. Քվեարկում են մարդ-լեգենդի համար և ոչ թե միջակության,

6. Քվեարկում են ճակատագրի և ոչ թե միօրինակության համար,

7. Քվեարկում են հաղթողի և ոչ թե անհաջողակի համար,

ԱԺ ԸՆՏՐՈՒԹՅՈՒՆՆԵՐ 2012 - ՆԱԽԸՆՏՐԱԿԱՆ ՄԱՐԳԱՐԵՈՒԹՅՈՒՆՆԵՐ # Կաթիլ 1-ին

    Ճշմարտությունները տրվում են կաթիլ կաթիլ ...

Ջրմուղի աշխատակից

Շենք, որտեղ պետք է հավաքվեն Ազգային Ժողովներ
անցկացնելու համար

            Քաղաքական PR-ով առաջիկա ընտրություններին կզբաղվեն շատերը: Դրանց մեջ կլինեն լրագրողներ, սոցիոլոգներ, վարսահարդարներ, մատնահարդարներ, պրոդյուսերներ, հոգեբաններ և ինչու չէ նաև աստվածաբաններ: Երկու հիմնական խմբի կբաժանվեն քաղաքական փիարով զբաղվողները:

            Առաջինները կլինեն նրանք, ովքեր թքած կունենան կընտրվի իրենց հաճախորդն առաջիկա ընտրություններին թե ոչ: Սրանց կարգախոսն է "Փողին մունաթ, պետքա քարին գրենք շնորհավոր Ամանոր և Սուրբ Ծնունդ":